Selaginello(-fausso-selagino)
Selaginella selaginoides
Selaginellaceae
Nom en français : Sélaginelle fausse sélagine.
Descripcioun :Li selaginello soun de planto sènso flour (teridoufito) gaire mai grosso que de moufo. Aquesto meno, trachis dins li pelouso umido e li palun de mountagno. Au contro dis àutri selaginello de Prouvènço, li ramo vènon drecho e rebalon pas au sòu. Li fueio soun estacado en espiralo, bourdado de dènt e acabado pèr uno pouncho.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 2 à 10 cm
Fueio : Foundo
Tipe bioulougico : Camefite
Cicle bioulougico : Planto renadivo
Gènre : Selaginella
Famiho : Selaginellaceae
Ordre : Selaginellales
Coulour de la flour :
Ges de flour
Petalo : ges
Ø (o loungour) flour : Ges de flour
Flourido :
Estiéu
Sòu : Ca (Si)
Autour basso e auto : 1000 à 2700 m
Aparado : Noun
Juliet à avoust
Liò : Pelouso umido
- Palun
Estànci : Subaupen à Aupen
Couroulougi : Bourealo
Ref. sc. : Selaginella selaginoides (L.) P.Beauv. ex Schrank & Mart., 1829
Ambour
Laburnum alpinum
Fabaceae Leguminosae
Àutri noum : Aubour, Ambourn, Bour, Embourn, Amboul.
Noms en français : Cytise des Alpes, Aubour des Alpes.
Descripcioun :L'ambourn es un poulit pichot aubre que trachis en mountagno. Se recounèis eisa en flour o en fru. La fueio èi di tres partido.
Usanço :"L'ambourn fa un bouosc soulide pèr fa de piquets pèr la vigno, de chambises pèr li vachos" (J.-L. Domenge in LMT, op.cit. p. 54). Èro peréu recerca pèr n'en faire de càmbis. G. Jean : "Lou fau coupa dóu coustat dóu soulèu, ne'n prenon que la mita [...] Après lou fan caufa à la tubèio e lou tordon" (O. Madon, op.cit. p. 81). En auto Prouvènço, lou bos èi bouli, bouta trempa dins l'aigo o lou femié pèr l'amarina. Lou bour èro tambèn emplega pèr faire fugi li darboun qu'es uno planto forço empouisounanto e memo mourtalo pèr l'ome (citisino proche de l'estrichino).
Port : Aubre
Taio : 3 à 5 m
Fueio : coumpausado
Tipe bioulougico : Faneroufite
Cicle bioulougico : Planto renadivo
Gènre : Laburnum
Famiho : Fabaceae
Famiho classico : Leguminosae
Ordre : Fabales
Coulour de la flour :
Jauno
Petalo : irreguliero
Ø (o loungour) flour : 13 à 15 mm
Flourido : Printèms
- Estiéu
Sòu : Ca
Autour basso e auto : 400 à 1800 m
Aparado : Noun
Remarco :
Mai à juliet
Liò : Faio
- Sapiniero
- Esboudèu
- Gaudre fres
Estànci : Subremediterran à Mountagnard
Couroulougi : Ouroufito-Sud-Éuropenco
Ref. sc. : Laburnum alpinum (Mill.) Bercht. & J.Presl, 1835